行程最後一日，一早起身首先去咗新東陽買貴價手信，跟住就行SOGO OR 去台灣故事館，最後揀咗故事館。入場費NT250，但NT150可在場內當飲食卷使用，即係實收NT100，唔算太貴。
裡面以舊台灣為主題，即係話比大家知以前的台灣係點，例如理髮店、戲院、課室等...都好得意好豐富，可惜我地時間太趕，未能施施然咁睇清楚，但都行晒成個館架。
HELLO KITTY篇：
我地回程時專登BOOK咗長榮的HELLO KITTY機，全因隻KITTY客機同個侯機室。典知"細蟻"航空公司真的貨不對辦，KITTY機變咗普通機，只係有小小KITTY裝飾，如頭墊、廁紙、空姐條圍裙咁.....仲要個侯機室原來唔係KITTY機乘客專用，係人都入得的，咁有咩意義? 再加上當地的地勤服務態度實在太差，一句講晒：咪洗旨意下次搭呢間公司的機!
大人激氣，但小朋友依然玩得好開心，話晒好小有咁多KITTY佈置的。
總結：
4日3夜台北遊，總括都係開心的。當然，成日都落住毛毛雨確實有點兒掃興，但一家人去旅行心態至緊要，只要大家都ENJOY，天氣只係一個外在因素，有小小影响咁啦! 出發前都驚兩個小朋友第一次出門架，又驚佢地搭飛機會耳痛啦，又驚佢地水土不服啦....能夠大家都平安健康，已經要好多謝上天啦!
若然之後攞多日假，咁就更好嘞!
沒有留言:
張貼留言